सोलुखुम्बु।नेकपा एमाले सोलुखुम्बुको सम्पन्न ८औं अधिबेशनबाट अध्यक्षमा डुफकुमार बास्तोला निर्बाचित हुनुभएको छ।
आइतबार बिहान सम्पन्न मतगणनामा प्रतिस्पर्धी हर्कबहादुर राईलाई १५२ मत अन्तरले पराजित गर्दै बास्तोला अध्यक्षमा निर्बाचित हुनुभएको हो।बास्तोलाले २७७ र राईले १२५ मत प्राप्त गर्नुभएको निर्बाचन समितिले जनाएको छ।
एमाले सोलुखुम्बुको अध्यक्षका रूपमा बास्तोलाको यो दोश्रो कार्यकाल हो।वहाँ ७ औं जिल्ला अधिबेशनबाट पनि नेकपा एमाले सोलुखुम्बुको अध्यक्षमा सर्बसम्मत निर्बाचित हुनुभएको थियो।
यसैगरी,उपाध्यक्षमा आशकुमार राई ‘शिशिर’,सचिबमा कल्पना राई,उपसचिवमा मिङ्माछिरी शेर्पा र महिला उपसचिवमा मोहनकुमारी कार्की निर्बाचित हुनुभएको छ।उपाध्यक्ष शिशिरले २९७ सचिब राईले २५९ उपसचिव शेर्पाले १६९ र महिला उपसचिव कार्कीले १७० मत प्राप्त गरेको निर्बाचन समितिले जनाएको छ।
उपाध्यक्षमा निर्बाचित शिशिर निबर्तमान सचिब,सचिबमा निर्बाचित राई सचिवालय सदस्य,उपसचिवमा निर्बाचित शेर्पा उपसचिव र महिला उपसचिव कार्की सचिवालय सदस्य हुनुहुन्थ्यो।
