काठमाडौं ।गृहमन्त्री रबि लामिछानेले माओवादी केन्द्रका उपाध्यक्ष कृष्णबहादुर महरा र उद्योगपति बिनोद चौधरी लगायतमाथि तत्काल छानबिन गर्न निर्देशन दिएका छन्।
गृहमन्त्री लामिछानेले आइतबार गृहसचिव एकनारायण अर्याल, प्रहरी महानिरीक्षक वसन्तबहादुर कुँवर र सिआईबीका प्रहरी अतिरिक्त महानिरिक्षक श्यामलाल ज्ञवालीलाई मन्त्रालयमा बोलाएर सुन तस्करी छानविन आयोगको प्रतिवेदनले दोषी ठहर गरेका महरा र बाँसवारी छाला तथा जुत्ता कारखाना प्रकरणमा संलग्न उद्योगपति चौधरी लगायतमाथी तत्काल कारबाही प्रक्रिया अगाडी बढाउन निर्देशन दिएका हुन्।
यसैवीच आयोगको प्रतिवेदन प्रहरीले बुझेको छ । प्रतिवेदन बुझेको सिआइवी प्रमुख ज्ञवालीले जानकारी दिएको छ ।
गृहमन्त्री रवि लामिछानेले बाँसबारी छाला जुत्ता कारखानाको दस रोपनी जग्गा सरकार मातहत ल्याउने प्रक्रिया आजै सुरु गर्न समेत निर्देशन दिएका बताइएको छ ।f
