काठमाडौँ । उत्कृष्ट काम गरेबापत २ जना प्रहरीलाई काठमाडौँ उपत्यका ट्राफिक कार्यालयले सम्मान गरेको छ ।
मङ्सिर महिनामा उत्कृष्ट जिम्मेवारी बहन गरेको भन्दै ट्राफिक प्रहरी कार्यालयले प्रहरी नायव निरीक्षक जीवनाथ खतिवडा र प्रहरी वरिष्ठ हवल्दार रामबहादुर रानाभाटलाई सम्मान गरेको छ ।
काठमाडौँ उपत्यकामा हुने भीभीआईपी र भीआईपीको सवारी लगायत उपत्यकाको ट्राफिक व्यवस्थापनलाई सहज, सरल र सुरक्षित बनाउन अहम भूमिका निर्वाह गरेबापत काठमाडौँ उपत्यका ट्राफिक कार्यालयले खतिवडा र रानाभाटलाई ‘मङ्सिर महिनाको उत्कृष्ट प्रहरी’ घोषित गरिएको जनाएको हो ।
