बिराटनगर।कोशी प्रदेशमा रिक्त दुई सिटका लागि माघ ११ गते हुने राष्ट्रिय सभा निर्वाचन उम्मेदवारका लागि नेकपा एमालेले ८ जनाको नाम सिफारिस गरेको छ।
एमाले कोशी प्रदेश समितिले राष्ट्रिय सभा निर्वाचन उम्मेदवारका लागि प्रदेशबाट चार पुरुष र चार महिलाको नाम सिफारिस गरेको हो । सिफारिस हुनेमा पुरुषतर्फ झापाका उमानाथ ओली र हरिशचरण बानियाँ, भोजपुरका पर्शुराम अधिकारी र खोटाङका कर्ण घले छन् ।
त्यसैगरी महिला तर्फ सुनसरीकी रुकमणी कोइराला, मोरङकी नेचीमाया धिमाल, झापाकी रोशनी मेचे र उदयपुरकी कान्ता राईको नाम सिफारिस गरिएको प्रदेश कमिटी अध्यक्ष घनश्याम खतिवडाले बताए ।
