जनकपुरधाम । कात्तिक २८ मा हिन्दू सम्राट सेना धनुषा’ले आयोजना गरेको कार्यक्रममा दुर्गा प्रसाईंको निर्देशन अनुसार पुरानो राष्ट्रिय गान ‘श्रीमान गम्भीर नेपाली…बजाइएको थियो सो कार्यक्रममा प्रसाईं प्रमुख अतिथि थिए ।
प्रसाईंविरुद्ध यूवा संघ नेपाल धनुषाका अध्यक्ष रोषणकुमार यादवले ‘राष्ट्रिय गानको अपमान गरेर अपराध गरेको’ भन्दै जाहेरी दिएका हुन् ।
सो जाहेरीमा प्रसाईंलाई हदैसम्म कैद तथा जरिबाना गर्न माग समेत गरिएको छ । उजुरीमा भनिएको छ – मुलुकी अपराध संहिता २०७४ को दफा १५३ सम्बन्धी कसुर गरेको हुनाले निज विपक्षीलाई खोजतलाश गरी ऐ.ऐ. को दफा (२) को (१) बमोजिम हदैसम्म कैद तथा जरिबाना गरी पाउँ ।’
