काठमाडौँ । काठमाडौँ महानगरपालिकाले सडकमा छोडिएका कुकुरलाई मंगलबारदेखि बन्ध्याकरण र रेबिज विरुद्धको खोप अभियान सुरु गरेको छ । महानगरले मंगलबार एकै साथ ९ वटा वडाबाट बन्ध्याकरण र खोपका कार्यक्रम सञ्चालन सुरु गरेका हो ।
पशु कल्याण र पशु अधिकारका लागि महानगर सचेत रहेकाले बताउँदै आउँदो ३ महिनाभित्र ५ हजार ८ सय कुकुरको बन्ध्याकरण र १६ हजार कुकुरलाई रेबिज विरुद्धको खोप दिने महानगरका मेयर शाहले बताएका छन् ।
मेयर शाहका अनुसार ९ वडा हुँदै ३२ वडासम्म अभियान चलाउने योजना छ । काठमाण्डौ महानगरपालिकाले २०८० सालमा कुकुर/बिरालो बन्ध्याकरण, भ्याक्सिनेसन तथा अभिलेखन कार्यविधि जारी गरेको छ । यही कार्यविधिमा उल्लेख भएका व्यवस्थाका आधारमा कार्यक्रम सञ्चालन हुनेछ ।
