धनगढी । नेकपा एमाले सुदूरपश्चिम प्रदेश कमिटीको नयाँ नेतृत्वका लागि पार्टी अध्यक्ष केपी शर्मा ओली सहमतिका आधारमा नेतृत्व चयन गर्न निर्देशन दिएर काठमाडौँ फर्किएपछि नेताहरूले सहमतिको प्रयास थालेका छन् ।
ओली भने शंकर पोखरेललाई अधिवेशनको अभिभारा दिएर काठमाडौं फर्किएका हुन् ।पोखरेलले ओली फर्किएपछि सहमतिको वातावरण बनाउन नेताहरुसँग छलफल भने गरिरहेका छन् ।
अध्यक्षमा आकांक्षा राखेका कृष्णप्रसाद जैशी , कमल तिमिल्सिना र वचनबहादुर सिंहलाई सँगै राखेरसमेत ओलीले नेतृत्वको निर्देशन पालन गर्न भनेका छन् । आज बिहान ८ बजेदेखि बन्द सत्र सुरु गर्ने तय गरिएको थियो । सहमतिको प्रयासमा लागेपछि सुरु हुने अनिश्चित भएको छ ।
तस्बिर सामाजिक संजाल
