काठमाडौँ । चीनमा जारी एसियाली खेलकुदको पुरुष क्रिकेटमा अफगानिस्तानले श्रीलंकालाई हराउँदै सेमिफाइनल प्रवेश गरेको छ । ८ रनले पराजित भएसँगै श्रीलंका भने प्रतियोगिताबाट बाहिरिएको हो ।
बुधबार बिहान भएको खेलमा अफगानिस्तानले दिएको १ सय १७ रनको झिनो लक्ष्य पछ्याउने क्रममा श्रीलंकाले १०८ रनमात्र बनाउन सकेको थियो ।
आजको खेलमा विजयी अफगानिस्तानले फाइनल प्रवेशका लागि पाकिस्तानको सामना गर्नेछ । खेल शुक्रबार हुनेछ । यसअघि पाकिस्तानले हङकङलाई ६८ रनले हराएर सेमिफाइनल पुगेको थियो । हिजो सम्पन्न खेलमा भारतले नेपाललाई २३ रनले हराएर शीर्ष ४ मा स्थान तय गरेको छ । भारतले सेमिफाइनलमा बंगलादेश र मलेसियाबीचको खेलको विजेतासँग खेल्नेछ ।
