काठमाडौं । १९ औं एसियाली खेलकुदमा पुरुष क्रिकेटको खेल तालिकामा फेरबदल भएको छ । समूह एमा रहेको अफगानिस्तानले एसियन गेम्स नखेल्ने भएपछि तालिकामा फेरबदल भएको हो ।
यसअघि सार्वजनिक भएको खेल तालिका अनुसार नेपाल समूह बीमा परेको थियो । परिवर्तित तालिका अनुसार नेपाली टिमले समूह एमा रहँदै मंगोलिया र माल्दिभ्ससँग खेल्ने छ ।
यसअघि नेपाल जापान, कम्बोडिया र हङकङ रहेको समूह बीमा थियो । एसियन गेम्समा क्रिकेट खेलहरु टी–२० फर्म्याटमा हुनेछन् ।
नेपालले एसियन गेम्सका लागि नेपालले रोहितकुमार पौडेलको कप्तानीमा टोली सार्वजनिक गरिसकेको छ ।
