काठमाण्डौ । हिमाल आरोहणका लागि २ सय ८४ जनाले अनुमति लिएका छन् । यस बर्षको शरद ऋतु असोज र कार्तिक मा हिमाल आरोहणका लागि २ सय ८४ जनाले अनुमति लिएका हुन् ।
पर्यटन विभागका अनुसार ४४ मुलुकका ६० जना महिला र २ सय २४ जना पुरुषले अनुमति लिएका छन् । यस वर्ष सबैभन्दा धेरै २३ समूहले आठ हजार १ सय ६३ मिटर उचाइको मनास्लु आरोहणका लागि अनुमति लिएका छन् ।
मनास्लु हिमाल आरोहणका लागि सबैभन्दा आकर्षक समय शरद ऋतुलाई मानिन्छ । यस वर्ष मनासलु हिमाल आरोहणका लागि डोरी टाँग्ने (रोप फिक्सिङ) को जिम्मा इम्याजिन नेपालले लिएको छ ।
यस्तै अन्य रक्सा उराई, पुठा हिउँचुली, कुम्भकर्ण, हिमलुङ, नेमजुङलगायत हिमाल आरोहण गर्ने छन् ।
