ओखलढुंगा । सुनकोशी गाउँपालिका ८ च्यानममा एक वृद्धको कुटपिटबाट मृत्यु भएको छ । आज बुधबार विहान एक बृद्धले कुटपिट गर्दा अर्का बृद्धको मृत्यु भएको हो ।
सुनकोशीको च्यानम माँझ गाउँका ८३ बर्षिय सोमबाहदुरलाई दुध लिएर घर फर्कने क्रममा स्थनीय ८३ बर्षिय तिलक बहादुर कटुवालले धकेल्दा गम्भिर घाइते भएका अधिकारीको उपचारको क्रममा मृत्यु भएको हो ।
अधिकारीलाई उपचारको लागि जिल्ला अस्पताल ल्याइएको थियो तर उनलाई अस्पतालले मृत घोषित गरेको जिल्ला प्रहरी कार्यालय ओखलढुंगाका प्रहरी निरीक्षक विकास राईले जानकारी दिएका छन् ।
कुटपिटमा संलग्न भएको आरोपमा वृद्ध तिलक बहादुर कटुवाललाई प्रहरीले पक्राउ गरि सकेको छ । घटनाको बारेमा अनुसन्धान भइरहेको ओखलढुंगा प्रहरीले जनाएको छ ।
