काठमाडाैँ । सर्वोच्च अदालतले पत्नी हत्याको अभियोग लागेका शसस्त्र प्रहरी बलका पूर्व डिआईजी रञ्जन कोइरालाको कैद मिनाहा गर्ने आफ्नै फैसला उल्ट्याएको हो ।
अदालतले उनीमाथि जिल्ला अदालत र तत्कालीन पुनरावेदन अदालतले गरेको जन्मकैदकाे फैसला नै सदर गरेको छ ।
कामू प्रधानन्यायाधीश दीपककुमार कार्की, न्यायाधीशहरु टंकबहादुर मोक्तान र डा। कुमार चुडालको पूर्ण इजलासले यसअघि सर्वोच्च अदालतको संयुक्त इजलासको फैसला उल्ट्याएको सर्वोच्च अदालतका प्रवक्ता विमल पौड्यालले बताए ।
