दाङ ।पछिल्लो पटक सांसद निर्बाचित भएयता नेकपा माओवादी केन्द्रका प्रवक्ता तथा पूर्वसभामुख कृष्णबहादुर महराको स्वकीय सचिव रहँदै आएका प्रमोद शर्माले पार्टी परित्यागको घोषणा गरेका छन् ।
दाङको जिम्मेवारी बाँडफाँडमा असन्तुष्टि जनाउँदै पार्टीको साधारण सदस्यसमेत नरहने गरी राजीनामा दिएको उल्लेख गरेका गरेका शर्माले सामाजिक सन्जालमार्फत आगामी दिनमा एक स्वतन्त्र नागरिकको रुपमा देश र जनताको लागि सामाजिक भूमिका निर्वाह गर्ने बताएका छन् । शर्मा माओवादी केन्द्र घोराही उपमहानगर कमिटी अध्यक्षसमेत हुन्।
‘आजको मितिदेखि म नेकपा (माओवादी केन्द्र) को साधारण सदस्यता समेत नरहने गरी आफूले प्राप्त गरेको सम्पूर्ण जिम्मेवारीबाट राजीनामा दिएको घोषणा गर्दछु । आगामी दिनमा एक स्वतन्त्र नागरिकको रुपमा देश र जनताको लागि सामाजिक भूमिका निर्वाह गर्नेगरी अगाडि बढ्नेछु । जनताको निरन्तर सेवामा निःस्वार्थ र सकेजति भूमिकामा आफूलाई उभ्याउने छु,’ शर्माले फेसबुकमा लेखेका छन् ।