काठमाडौं । सत्तारुढ दल नेकपा एकीकृत समाजवादीका अध्यक्ष माधवकुमार नेपालले संसद भंग गरेर निर्वाचनमा जानुपर्नेमा जोड दिएका छन् ।
आइतबार बसेको प्रतिनिधिसभाको बैठकपछि सञ्चारकर्मीहरुसँग बोल्दै पूर्वप्रधानमन्त्री समेत रहेका अध्यक्ष नेपालले सो कुरा बताएका हुन् । प्रमुख प्रतिपक्षी दल नेकपा एमालेले निरन्तर अवरोध गरिरहेको बताउँदै उनले विकल्पको रुपमा संसद भंग गरेको ताजा जनादेशका लागि निर्वाचनमा जानुपर्ने बताएका हुन् ।
‘केपी ओलीलाई कति सहने ? एमालेले हाउस चल्न नदिने, भत्ता पनि खाइरहने, हामीलाई पनि हैरान पार्ने, त्यसैले अब संसद भंग गर्ने, संसद् पनि रहन्न, यो वितण्डा पनि रहन्न । अब सबै निर्वाचनमा जाऔं ।’ उनले भने ।
