अनुज खड्का
खोटाङ हलेसी तुवाचुङ नगरपालिकाको वडा नम्बर १० अर्खौलेलाई शिल गरिएको छ । कोभिड-१९ को दोस्रो भेरियन्ट मत्थर हुने संकेत नदेखिएपछी वडालाई शिल गरिएको हो । अहिले वडामा संक्रमण दर निरन्तर उकालो लागिरहेको भन्दै नगरपालिकाको निर्देशनमा अर्खौलेलाई शिल गर्ने निर्णय वडा बिपत ब्यबस्थापन समितिले गरेको वडाकार्यालय अर्खौलेले जनाएको छ ।
कोरोना महामारीको दोस्रो भेरियन्टको संक्रमण सबैतिर बिस्तारै नियन्त्रण हुँदै गईरहेको अवस्थामा अर्खौलेमा भने वडा नै शिल गर्नुपर्ने स्थिती आएको हो । अहिले नै थप सचेत भईएन भने स्थिती भयावह बन्ने भन्दै वडा बिपत ब्यबस्थापन समितिले एक साताको निम्ति वडा शिल गरेको हो ।
