६ फाल्गुन २०८१, मंगलबार | Tue Feb 18 2025

कोरोना भाईरस (कोभिड १९)र यस्ले समाजमा पारेको प्रभाव



कुनै दिन घरभरि भएका सन्तानहरुले छोडेर आफ्नो सुनौलो भविष्यको निर्माण गर्ने भनेर शहर पुगेका त्यो पल्लाघरे माईलादाईको सन्तान आजभोली गाउमै खेतिकिसानी गरिरहेका छन । उता माथ्लाघरे दाईको छोरा बुहारिहरु पनि अहिले गाउमै रमाईरहेका छन । उनीहरुमात्रै नभएर गाउँबाट शहर गएका धेरै जसोयति बेला गाउँमा देखिन्छन ।
रेडियोमा समाचार भन्दैगर्दा अन्तर्राष्ट्रिय समाचारजतिप्राय कोरोना प्रभावकै हुन्थ्यो, त्यहिभएर फिल्डतिर कहिलेकाही निस्क्यौ भने प्रश्न आउथ्यो रेडियो खोल्दा किन कोरोनामात्रै आउछ ? पिटिक्कै सुन्नै मन लाउदैन । आज त्यो घरबाट फोन आयो, बाबु मेरो कान्छो छोरो कारोनाले सिरियस छ,हस्पिटलमा बेड छैन, उताविदेशमाभएको माईलो छोरो नि अलपत्र परेको छ । नेपालसम्म आउनसक्ने विकल्प छैन, यो कुरा सम्बन्धित निकायसम्म पुयाउनुपर्याे । हाम्रो आवाज भनेको बाबु नानी र त्यहि रेडियो रहेछ । यि र यस्ता कुराहरु त प्रतिनिधिपात्र जस्तै हुन । दिन दूई गुणा र रात चौगुणा डर र त्रासमा सर्वसाधारण छन । कोहि भाईरस हटाउछ रे यस्ले त नानीदेखि लागेको बानीकहा छोड्न सकिन्छ र कोरोना आए आवोस गए जावोस भनेर टोलटोलका भट्टिमा लुकिछिपि मादक पदार्थको सेवनमा ब्यस्त छन ।
कोरोना भाईरस (कोभिड १९)को प्रभाव नेपालमापनि पर्न थालिसकेको थियो । धमाधम शहर छोडेर गाउआउनेहरुको लर्काे लागेको थियो, नभन्दै सबैतिर बन्दाबन्दि सुरु भयो । हजारौको शंख्यामा संक्रमित बढिरहेका छन । एकातिर रोगको चिन्ता अर्काेतिर डर त्रास र केहि आशमा सर्वसाधारण देखिन्छन । बालबच्चाहरु यतिबेला पढाईमा ध्यान नदिएर मोबाईलमा मोटु,पात्लु हेर्न र गेम खेल्न मस्त छन । आर्थिक मन्दिजताततै छ । चोकमा जमघट छैन, माक्स लगाएकोले मान्छे चिन्न गाह्रो छ । बाचेपनि मरेपनि गाउमै मरुला भनेर दिनरात लुकिछिपि भएनि गाउ भित्रिनेकै संख्या उच्च छ । शहरमा ६ महिनाको भाडा तिर्न बाकी छ अब किन जाने कोठाको सामाननै राखोस ्भन्ने आवाज सुनिन्छ ।
फेरि कोरोना हट्नेछ र हिजोकै अवस्थामाफर्किन सकिन्छ भनेर झिनो आशामा यतिबेला समाज निदाईरहेको छ । कहिलेसम्म आशैआशमा निराश हुनपर्ने थाहा छैन । वश ः आवश्यक सावधानी अपनाएर कोरोना लाग्न नदिने होकि, सबैजना सुरक्षित रहौ ।

प्रकाशित मिति : २५ असार २०७८, शुक्रबार  १० : १७ बजे


©2025 Bhume Sanchar सर्वाधिकार सुरक्षित भुमे संञ्चार प्रा.लि.