सोलुखुम्बु – सोलुखुम्बुमा पछिल्लो २४ घण्टामा थप २५ जनामा कोरोना संक्रमण पुष्टि भएको छ ।
जिल्लाका विभिन्न स्थानिय तहमा गरिएको एन्टिजेन परीक्षणमा २५ जनालाई कोरोना संक्रमण पुष्टि भएको स्वास्थ्य कार्यालयले जनाएको छ ।
लिखुपिकेमा ७ जना, नेचासल्यानमा ६ जना, माप्यदुधकोशीमा ६ जना, खुम्बु पासाङल्हामु र सोलुदुधकुण्ड नगरपालिकामा ३–३ जनामा कोरोना संक्रमण पुष्टि भएको स्वास्थ्य कार्यालयले बताएको छ ।
यो संगै जिल्लामा कोरोना संक्रमितको संख्या २२५ पुगेको छ । जिल्लामा एक संक्रमितको मृत्यू भइसकेको छ ।
यस्तै, राष्ट्रिय बाणिज्य वैंक सल्लेरीका एक जना कर्मचारीमा कोरोना संक्रमण भएपछि जेठ ३ गते देखि सेवा बन्द गरिने भएको छ ।
अन्य कर्मचारीहरुको पिसिआर गरिएको र उनीहरुको रिपोर्ट नआउन्जेल सम्मका लागी सम्पुर्ण सेवा प्रवाह बन्द गरिने बैंक प्रशासनले जनाएको छ ।
