अनुज खड्का
बैशाख ३०, सोलुखुम्बु
सोलुखुम्बुमा १ जना आशंकित संक्रमितको मृत्यु भएको छ । बिगत ३ दिन देखि जिल्ला अस्पताल फाप्लुमा उपचार गराईरहेका राई थरका एकजना ब्यापारीको मृत्यु भएको हो । हिजो राती १२ बजे अवस्था नाजुक भएपछी रेफरल अस्पताल लैजादैगर्दा बाटोमै राईको मृत्यु भएको अस्पताल श्रोतले जनाएको छ । उनको स्थाई ठेगना भने अन्यन्त्र रहेको तर उनि लामो समय देखि सल्लेरीमा ब्यापार गर्दै आएको जनाईएको छ । राईको स्थाई ठेगना पाचथर भएको बताईन्छ । उमेर मृतक राई अनुमानित ३५-३६ बर्षको भएको उनलाई चिन्ने सल्लेरीका एक स्थानियले बताए ।
उनि ३ दिन अघिदेखि कोरोनाको लक्षण देखिएर फाप्लुमा उपचार गराईरहेका थिए । उनको पिसिआर रिपोर्टका बारेमा आज साझसम्म स्पष्ट हुने जिल्ला स्वास्थ्य कार्यालयका कोभिड-१९ सुचनादाता रामकुमार बिश्वकर्माले बताउनुभयो ।
