१४ फाल्गुन २०८०, सोमबार | Tue Feb 27 2024

बामदेम गौतमको नेकपा एकता राष्ट्रिय अभियानको केन्द्रिय सदस्य बास्तोलाद्वारा बहिष्कार



अनुज खड्का फागुन ०४, सोलुखुम्बु नेकपा सोलुखुम्बुका जिल्ला कमिटि सदस्य मुक्ती बास्तोलाले बामदेब गौतमद्वारा संचालित नेकपा एकता राष्ट्रिय अभियानको केन्द्रिय सदस्य पद बहिष्कार गर्नुभ​एको छ । आफूलाई कुनै जानकारी नै नदिकन अभियानको केन्द्रिय सदस्यमा नाम निष्काशन गरेपछि बास्तोलाले आपत्ती जनाउनुभ​एको हो ।

बास्तोलाले एक बक्तव्य जारी गर्दै अभियानको केन्द्रिय सदस्यमा आफ्नो नाम देख्दा आफू आश्चर्यचकित भ​एको बताउनुभ​एको छ । यसका साथसाथै उहाले अहिलेको आवस्यकता भनेको घोषित निर्वाचनमा केन्द्रित भ​एर, तोकिएकै अवधीमा चुनाब सम्पन्न गराई निर्वाचन आयोगलाई सहयोग गर्नुपर्ने भ​एको पनि स्पष्ट पार्नुभयो । उहाका अनुसार प्रधानमन्त्री केपी शर्मा ओलीले गर्नुभ​एको संसद बिगठनलाई प्रतिगमनको हौवा दिएर सडकमा रमिता देखाउने प्रचण्ड-नेपाल समुह र नेकपा एकता राष्ट्रिय अभियान भन्दै हिडेका गौतम समुहमा सहभागी हुनु भनेको नै देशलाई अस्थिरता तर्फ लैजाने कार्य हो । त्यसैले आफू ओली समुहको नेकपाको मुलधारमा कृयाशिल रहदै आएको र भोलीका दिनमा समेत रहिरहने उहाको निष्कर्ष रहेको छ ।

बामदेव गौतम संयोजक रहेको नेकपा एकता राष्ट्रिय अभियानको केन्द्रिय समन्वय समिति र केन्द्रिय कार्य सम्पादन समितिमा सोलुखुम्बुका ४ जना छनोट भ​एका छन । उक्त ४ सदस्यमा बास्तोला बाहेक भद्रगोल किराती, आरपी लामा र आङ्दामी शेर्पाको नाम सार्वजनिक भ​एको छ । जसमध्य बास्तोलाले भने उक्त पद बहिष्कार गर्नुभ​एको हो ।

प्रकाशित मिति : ४ फाल्गुन २०७७, मंगलबार  ४ : १९ बजे

धेरैले पढेको


©2024 Bhume Sanchar सर्वाधिकार सुरक्षित भुमे संञ्चार प्रा.लि.