अनुज खड्का
पौष ०६, सोलुखुम्बु
संघिय संसद बिगठनका विरुद्ध सोलुखुम्बुका नेपाल कम्युनिस्ट पार्टीका जनबर्गिय संगठनहरूले बिरोध प्रदर्शन गरेका छन । प्रधानमन्त्री केपी शर्मा ओलीले अप्रत्याशित रुपमा गरेको संसद बिगठन देशको संविधान बिपरित रहेको भन्दै बिरोध प्रदर्शन गरिएको हो ।
प्रधानमन्त्री केपी शर्मा ओली र राष्ट्रपति बिधादेवी भण्डारीले संघिय लोकतान्त्रिक गणतन्त्र नेपालको हत्या गरेकाले, सडकमा आउनुपरेको नेकपाका युवाहरूले बताएका छन । जनमतको अबमुल्यन हुने गरि संबिधानको कुनै बुदामा नभएको अधिकार प्रयोग गर्दै संसद बिगठनको सिफारिस गरिनु र राष्ट्रपतीद्वारा बिना सोचिसम्झी सिफारिस उपर कदम चालिनुलाई गणतन्त्र माथी “कु” गरेको बिरोध कार्यक्रमको निष्कर्ष छ ।
संसद बिगठनका विरुद्ध राष्ट्रिय युवासंघ, जनसास्कृतिक महासंघ र जनक्रान्तीका घाईते तथा सहयोद्धा संघ लगायत जनबर्गिय संगठनहरूले एकसाथ बिरोध प्रदर्शन गरेका हुन ।
संबिधानमा संसद बिगठनको प्राबधान नै नरहेको भन्दै प्रधानमन्त्री केपी शर्मा ओलीको असंबैधानिक निर्णयको कडा प्रतिवाद गर्न बिरोध प्रदर्शन गरिएको बताईएको छ ।
बिरोध कार्यक्रममा बोल्दै राष्ट्रिय युवा संघ सोलुखुम्बुका संयोजक देउता बस्नेत(देव) ले यो बिरोध प्रदर्शन पुर्व एमाले वा पुर्व माओवादीले नभई सिङ्गो नेपाल कम्युनिस्ट पार्टी नेकपाले गरेको व्याख्या गर्नुभयो । केपी ओलीको असंबैधानिक कदमको निम्ति सबै युवाहरू एकजुट हुन संयोजक बस्नेतले आग्रह समेत गर्नुभएको छ ।
त्यस्तै राष्ट्रिय युवा संघका केन्द्रीय सदस्य एबम सोलुखुम्बु जिल्लाका सहइन्चार्ज हेमचन्द्र राईले जनआन्दोलनबाट प्राप्त उपलब्धी गुम्ने खतरा रहेकाले संसद बिगठनको तनाशाही एबम गैरसंवैधानिक निर्णयको जनस्तरबाटै बिरोध गर्न आग्रह गर्नुभएको छ । बिरोध कार्यक्रमलाई सम्बोधन गर्दै जनक्रान्तीका घाईते तथा सहयोद्धा संघका वरिष्ठ केन्द्रीय उपाध्यक्ष समेत रहेका पासाङ शेर्पा(कर्मा)ले नेकपामा केपी ओली प्रबृतिको अन्त्य भएको बताउनुभयो । अब नेकपा एकजुट भएर संबिधानको मूल्य र मान्यताको रक्षा गर्ने र विधि र बिधान बिपरितका गतिबिधिलाई परास्त गर्ने शेर्पाको भनाई छ ।
बिरोधमा सहभागीहरूले नेकपा फुटेको नभई ओली कित्ता समाप्त भएको बताएका छन । ओली कित्ताबाट आज केन्द्रीय सदस्य बनेका सोलुखुम्बुका नेकपाका कार्यकर्तालाई जनमतको अनादर गरेको आरोप समेत बिरोध कार्यक्रमका बक्ताहरूले लगाएका छन ।
लोकतन्त्रमा संसदको हत्या गर्न नहुने भन्दै जनसाकृतिक महासंघ सोलुखुम्बुका संयोजक विशेष खालिङले संसद पुनःबहालीको माग गर्नुभएको छ । उहाँका अनुसार संघियता बिरोधी ओली पक्षधरहरूलाई जनताले जनमत मार्फत ठेगान लगादिने छन ।
