अनुज खड्का
मङ्सिर २१, सोलुखुम्बु
नेपाली काङ्ग्रेस सोलुखुम्बुले सत्तारुढ नेपाल कम्युनिस्ट पार्टीको सरकार बिरुद्ध संघर्ष गर्ने भएको छ । नेपाली काङ्ग्रेस सोलुखुम्बु जिल्ला कार्यसमितिले बिरोध र्याली सहित सरकारको बिरोध गर्ने भएको हो । जसका लागि काङ्ग्रेसले जिल्ला स्थित आफ्ना नेता कार्यकर्तालाई सार्वजनिल अपिल समेत गरेको छ ।
नेकपाको सरकारका समयमा भएका राम्रा कार्यको समर्थन गर्दै नराम्रा कदमहरूको खबरदारी र अनियमितताको भण्डाफोर गर्न काङ्ग्रेसले उक्त बिरोध र्याली गर्न लागेको बताईएको छ । यहि मङ्सिर २९ गते सोलुखुम्बुको सदरमुकाम सल्लेरीमा काङ्ग्रेसको बिरोध र्याली आयोजना गरिएको हो । काङ्ग्रेसका वरिष्ठ नेता रामचन्द्र पौडेलको तनहुँमा भएको गुरफ्तारी पछि प्रमुख प्रतिपक्षी दल नेपाली काङ्ग्रेसले सर्कुलर नै जारी गरि प्रत्यक जिल्लामा सरकारको बिरोध गर्न निर्देशन दिएको छ ।
