धनुषा । प्रदेश २ को सञ्चारसम्बन्धी विधेयक प्रदेश प्रमुख तिलक परियारले फिर्ता पठाएका छन् । प्रदेशसभाबाट सर्वसम्मतले पारित भएको विधेयकमा विभिन्न त्रुटिहरु पाइएपछि फिर्ता पठाइएको हो ।
प्रदेशसभाबाट असार १३ गते पारित भएको विधेयक प्रमाणीकरणका लागि प्रदेश प्रमुख कार्यालय पठाइएको थियो । विधेयकमा भाषा अशुद्धता लगायतका त्रुटि पाइएपछि अनौपचारिक रुपमा फिर्ता पठाइएको प्रदेश प्रमुख कार्यालयका कानून अधिकृत गोकुल भुजेलले बताए ।
शब्दको अशुद्धताले भोली कानुनी ब्याख्या गर्दा समस्या आउने भएकाले त्रुटिहरु सच्चयाएर ल्याउन अनौपचारिक रुपमा फिर्ता पठाइएको उनले प्रष्ट पारे ।
