ललितपुर । ललितपुरको पाटन अस्पतालमा थप एक जना कोरोना संक्रमित महिलाको मृत्यु भएको छ । मृत्यु हुनेमा काठमाडौं भोटाहिटीकी ५८ वर्षीया महिला रहेकी छन् ।
उनलाई साउन २८ गते कोरोना संक्रमण पुष्टि भएपछि उपचारका लागि पाटन अस्पताल भर्ना गरिएको थियो । उनको उपचारका क्रममा सोमबार बिहान मृत्यु भएको अस्पतालले जनाएको छ ।
यसअघि आइतबार पनि पाटन अस्पतालमा एक जना कोरोना संक्रमितको मृत्यु भएको थियो।