इलाम । भारतबाट फर्किएर क्वारेन्टिनमा बसेका एक युवकको मृत्यु भएको छ । मृत्यु हुनेमा इलामको सूर्योदय नगरपालिकाको ९ का २२ वर्षीया पुरुष रहेका छन् ।
भारतको हैदराबादबाट आएर गत साउन २६ गतेदेखि क्वारेन्टिनमा बस्दै आएका उनको गएराति मृत्यु भएको हो ।
स्वास्थ्यमा समस्या भएपछि नगरपालिकाको स्वास्थ्यकर्मीको टोलीले उपचार गरेको थियो । छाती दुख्ने, ज्वरो आउने र सास फेर्न समस्या हुने जस्ता लक्षण देखिएका उनको उपचार गरेपनि ठिक नभएर मृत्यु भएको थियो ।
उनको कोरोना परीक्षणका लागि स्वाब संकलन गरिएको र रिर्पोट आउन बाँकी रहेकाे बताइएको छ ।
