काठमाडौं । सत्तारुढ नेकपाको सचिवालय बैठक एक महिनापछि आज बस्दै छ । पार्टीभित्रको विवादका कारण पटक पटक स्थगित हुँदै आएको बैठक अहिले बिहान ९ बजे बस्दै छ ।
बैठकले नेकपामा जारी विवादको समाधानका लागि शुक्रबार गठन भएको ६ सदस्यीय कार्यदललाई अनुमोदन गर्ने छ । पार्टीभित्रको समस्या दुई अध्यक्ष केपी शर्मा ओली र पुष्पकमल दाहाल प्रचण्डले समाधान गर्न नसकेपछि शुक्रबार महासचिव विष्णु पौडेलको संयोजकत्वमा कार्यदल गठन गरेका थिए ।
समस्या समाधान गर्ने भन्दै गठन भएको कार्यदलमा शंकर पोखरेल, जनार्दन शर्मा, पम्फा भुसाल, भीम रावल र सुरेन्द्र पाण्डे सदस्य रहेका छन् ।