सिन्धुपाल्चोक । सिन्धुपाल्चोकको जुगल गाउँपालिका २ लिदीमा गएको पहिरोमा पुरिएर पाँच घरका १३ जना सम्पर्कविहीन भएका छन् । पहिरोले पुरेका १३ घरमध्ये पाँच घरका १३ जना सम्पकविहीन भएका हुन् ।
शुक्रबार बिहान घरमाथिबाट आएको पहिरोले लिदीका १३ घर पुरेको छ भने ३० घर जोखिममा परेका छन् । पहिरोले पुरिएका घरका केही स्थानीय भने आफै निस्किएर लप्सेचौरमा बसेका छन् ।
पहिरोमा सम्पर्कविहीन भएकाहरुको खोजिका लागि प्रहरी र नेपाली सेनाको टोली घटना स्थल गएको छ । त्यस्तै काठमाडौंबाट सभामुख अग्निप्रसाद सापकोटा नेपाली सेनाको हेलिकप्टरमा घटना स्थल गएका छन् ।
गाउँपालिकाले उद्धारका लागि हेलिकोप्टरको पनि व्यवस्था गरेको छ ।
